ترەمپ داوای ڕاگرتنی شەڕ لە حەلەب دەکات

پەیامی کورد... ترەمپ داوای ڕاگرتنی شەڕ لە حەلەب دەکات

دۆناڵد ترەمپ سەرۆکی ئەمریکا داوای ڕاگرتنی ئەو شەڕ و پێکدادانانەی کرد کە لە شاری حەلەب بەڕێوەدەچن. ترەمپ لە کاتی وەڵامدانەوەی پرسیاری ڕۆژنامەنووسان لە کۆبوونەوەیەکدا لە ناو کۆشکی سپی، جەختی لە ئارەزووی ویلایەتە یەکگرتووەکان بۆ چەسپاندنی ئاشتی کردەوە.

ترەمپ ڕایگەیاند کە واشنتن پەیوەندییەکی باشی لەگەڵ هەریەکە لە کورد و حکوومەتی سووریا هەیە، سەرەڕای ئەوەی کە وەک "دوژمنی سروشتی" یەکتری لە ماوەی ساڵانی ڕابردوودا وەسفی کردن، و جەختیشی کردەوە کە وڵاتەکەی بە شێوەیەکی ئەرێنی مامەڵە لەگەڵ هەردوولا دەکات.

سەرۆکی ئەمریکا ئاماژەی بەوە کرد کە ویلایەتە یەکگرتووەکان دەیەوێت سووریایەکی سەقامگیر و سەرکەوتوو ببینێت، و پێی وابوو کە وڵاتەکە لە ماوەی ڕابردوودا پێشکەوتنی بەدەستهێناوە، بەڵام هەڵگیرسانی شەڕی ئەم دواییە گۆڕانکارییەکی جێگەی نیگەرانییە.

هەروەها وتیشی کە وڵاتەکەی هیوای وایە ئەم ڕووبەڕووبوونەوانە لە زووترین کاتدا کۆتاییان بێت.