ئۆسترالیا؛ باڵیۆزی ئێرانی دەرکرد

• ئۆسترالیا؛ باڵیۆزی ئێرانی دەرکرد

ڕۆژی دووشەممە، ئەنتۆنی ئەلبانیز، سەرۆکوەزیرانی ئوسترالیا بە تووندی لە پاڵ گەلی ئێران وەستایەوە و ڕێژیمی ئێرانی وەک "ڕژێمێکی سەرکوتگەر" شەرمەزار کرد و ستایشی تێکۆشانی ئازادی خوازانی بۆ گۆڕانکاری، ئازادی و کەرامەتی مرۆڤایەتی کرد.

ئەلبانیز بە ئاماژەدان بە ڕۆڵی وێرانکەری نێودەوڵەتی ڕژێمی ئاخوندەکان و ناڕوونی جیددی لە ژمارەی قوربانیانی سەرکوت، بڕیاری گرینگی حکوومەتی ئوسترالیا بۆ دەرکردنی باڵوێزی کۆماری ئیسلامی ڕاگەیاند.

سەرۆکوەزیرانی ئوسترالیا ئاماژەی بەوەدا کە هۆکاری ئەم کارە چارەنووسسازە، تێوەگلانی ڕاستەوخۆی قەوارەکانی سەر بە ڕێژیمی ئێران بووە لە پلاندانان و ئەنجامدانی هێرشی تێکدەرانە بۆ سەر خاکی ئوسترالیا و جەختی لەوە کردەوە کە ئەم کارانە هەڕەشەیەکی جیددی بۆ سەر ئاسایشی نەتەوەیی ووڵات پێک دەهێنن.