سعودیا و قەتەر بەرەو نزیکبوونەوە دەڕۆن
پەیامی کورد ... سعودیا و قەتەر بەرەو نزیکبوونەوە دەڕۆن
رۆژنامەی رەی كوێتی ڕایگەیاند ئاشتبونەوەی كەنداو ئەم مانگە لە كۆنگرەیەكدا لە بەحرێن رادەگەیەنرێت.
سەرچاوەیەك بۆ رۆژنامەكە، وتی: خاڵەكانی ناكۆكی و كێشەكان لە ماوەی سێ ساڵی رابردوودا هەبوون لە كۆنگرەكەدا گفتوگۆیان لەسەر دەكرێت لەلایەن لیژنەكانەوە بۆ دۆزینەوەی چارەسەری كۆتایی بۆیان، تا سەرلەنوێ سەرهەڵنەدەنەوە لەگەڵ بەردەوامی یەكگرتوویی كەنداو و عەرەبی.
پێش دوو رۆژ كوێت رایگەیاند گفتوگۆیان لەچوارچێوەی پرۆسەی ئاشتبووەنەی كەنداو دەستپێكردووە كە كاردانەوەی ئەرێنی لە سەر ئاستی كەنداو و نێودەوڵەتی لێكەوتووەتەوە.
ئەم ئەنجامانە دوای نێوەندگیری ئەمریكا و كوێت دێت بۆ چارەسەركردنی كێشەكانی نێوان قەتەر و سعودیە و هەردوولایەنیش وەڵامدانەوەی ئەرێنیان هەبووە.
هەفتەی رابردوو جارید كۆشنەر راوێژكاری دۆناڵد ترەمپ سەرۆكی ئەمریكا بەسەردانێك چووە ئەو دوو وڵاتە و گفتوگۆیان لەبارەی چەند پرسێكەوە كرد.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە