کەشناسی عێراق: لە 5 پارێزگا گەرما بۆ سەرووی 47 پلە بەرزدەبێتەوە

دەستەی کەشناسی ئەمڕۆ ڕۆژی سێشەممە پێشبینیەکانی کەشوهەوای بۆ ڕۆژانی داهاتوو بڵاوکردەوە.

دەستەی كەشناسی عێراق رایگەیاند، سبەی ڕۆژی چوارشەممە ئاسمان ساماڵە و هەندێک هەوریشی لەگەڵدا دەبێت ، لە هەردوو ناوچەی ناوەڕاست و باکووریش پلەکانی گەرما وەک خۆیان دەمێننەوە، لەباشووریش هەندێک بەرزدەبێتەوە ، ڕوونیشی کردەوەکە پلەکانی گەرما لە پارێزگاکانی بەسڕەو زیقاڕو نەجەف و موسەنناو بابل 47 پلە تێدەپەڕێنێت، لەبەغدادو کەربەلا ودیوانیەش دەگاتە 46 پلەی سەدی.

ڕۆژی پێنجشەممەش ئاسمان ساماڵ و هەندێک هەوریش دەبێت ولە ناوچەکانی ناوەڕاست و باکوورپلەکانی گەرما هەندێک بەرزدەبنەوە ولەباشووریش گۆڕانکاری لەپلەکانی گەرمادا نابێت.

ڕۆژی هەینیش بەگشتی ساماڵ وپەڵەهەوردەبێت وپلەکانی گەرماش هەندێک بەرزدەبنەوە.

ڕۆژی شەممەش ساف وهەندێک هەوراوی دەبێت وپلەکانی گەرماش وەک خۆیان دەمێننەوە.