عێراق مانگی ڕابردوو پێنجەمین وڵاتی هاوردەکاری کاڵای تورکی بووە

پەیامی کورد... عێراق مانگی ڕابردوو پێنجەمین وڵاتی هاوردەکاری کاڵای تورکی بووە


بەگوێرەی راپۆرتێکی دەستەی ئاماری تورکیا، عێراق لە ریزبەندی پێنجەمی وڵاتانی هاوردەکاری کاڵای تورکییە و لە مانگی حوزەیراندا بە بڕی ٩٨٦ ملیۆن دۆلار کاڵای لەو وڵاتەوە هاوردەکردووە.

دوێنێ هەینی 28_ی ته‌مووز_ی 2023 ، دەستەی ئاماری تورکیا راپۆرتێکی بڵاوکردەوە و تێیدا هاتووە، قەبارەی هەناردەکردنی کاڵای تورکی لە مانگی حوزەیراندا ٢٠ ملیار و ٩٠٤ ملیۆن دۆلار بووە بەراورد بە هەمان مانگی ساڵی رابردوو بە رێژەی ١٠.٥٪ کەمیکردووە.

ئاماژە بەوەشکراوە، عێراق لە ریزبەندی پێنجەمی هاوردەکاری کاڵای تورکییە و لە مانگی حوزەیراندا بە بڕی ٩٨٦ ملیۆن دۆلار کاڵای لەو وڵاتەوە هاوردەکردووە.

ئەوەش خراوەتەڕوو، ئەڵمانیا لە ریزبەندی یەکەمە لە هاوردەکردنی کاڵای تورکی بە بڕی یەک ملیار و ٧٤٨ ملیۆن دۆلار و لە دوای ئەویش ئەمریکا دێت بە بڕی یەک ملیار و ٣٣١ ملیۆن دۆلار و لە ریزبەندی سێیەمیش بەریتانیا دێت بە بڕی یەک ملیار و ١٢ ملیۆن دۆلار.