عێراق وسعودیه‌ له‌و وڵاتانه‌ن كه‌زۆرترین یه‌ده‌گى نه‌وتیان هه‌بووه‌ له‌ساڵى 2023 دا

پەیامی کورد... عێراق وسعودیه‌ له‌و وڵاتانه‌ن كه‌زۆرترین یه‌ده‌گى نه‌وتیان هه‌بووه‌ له‌ساڵى 2023 دا

به‌پێى لیستێك، زیاتر له‌ 10 وڵاتى عه‌ره‌بى زۆرترین یه‌ده‌گى نه‌وتیان هه‌بووه‌ له‌ماوه‌ى ساڵى 2023 دا، كه‌ هه‌ر یه‌كه‌ له‌عێراق وسعودیه‌ وئیمارات له‌رێزى پێشه‌وه‌ى لیسته‌كه‌ دان له‌نێو بازاڕى جیهانى نه‌وت دا.

له‌ماوه‌ى ساڵى 2023 دا، یه‌ده‌گى نه‌وتى جیهانى به‌رزبوونه‌وه‌ى به‌خۆیه‌وه‌ بینیوه‌ و گه‌یشتووه‌ته‌ یه‌ك ترلیۆن و 754 به‌رمیل نه‌وت، به‌رامبه‌ر به‌ یه‌ك ترلیۆن و 746 به‌رمیل نه‌وت له‌ماوه‌ى ساڵى 2022 دا.

له‌رێزى یه‌كه‌م سعودیه‌ دێت كه‌ گه‌وره‌ترین یه‌ده‌گى نه‌وتیان هه‌یه‌، وگه‌یشتووه‌ته‌ 267 پۆینت 19 ملیار به‌رمیل نه‌وت. له‌دواى ئه‌ویش عێراق له‌رێزبه‌ندى دووه‌م دێت به‌ 145 پۆینت 1 ملیار به‌رمیل نه‌وت.