حەوت تووشبووی کۆرۆنا لە هەرێمی کوردستان گیانیان لە دەست دا

پەیامی کورد … حەوت تووشبووی کۆرۆنا لە هەرێمی کوردستان گیانیان لە دەست دا

وەزارەتی تەندروستیی هەرێم ڕایگەیاند، لەماوەی ٢٤ كاتژمێری ڕابردوو ٥١٥ توشبووی دیكەی كۆرۆنا تۆماركراون و حەوت كەسی دیكەش بەهۆی ڤایرۆسەكەوە گیانیان لەدەستداوە.

بەگوێرەی ڕاگەیەندراوێكی وەزارەتی تەندروستی، لەكۆی شەش هەزار و ٨٦٨ پشكنینی كۆرۆنا لە ٢٤ كاتژمێری ڕابردوودا ٥١٥ توشبووی دیكەی كۆرۆنا تۆماركراون، لەبەرامبەریشدا ٣٨٢ توشبوو چاكبوونەتەوە و حەوت كەسیش بەهۆی ڤایرۆسەكەوە گیانیان لەدەستداوە.

كۆی گشتی توشبووانی كۆرۆناش لە هەرێم گەیشتە، ١٧٩ هەزار و ٨٩٤ توشبوو، لەو ڕێژەیەش ١٦٨ هەزار و ٥٧٢ توشبوو چاكبوونەتەوە و چوار هەزار و ٤١٢ كەسیش بەهۆی ڤایرۆسەكەوە گیانیان لەدەستداوە.