بابەتی سەرەکی دانیشتنەکانی سولەیمان سۆیلۆ وەزیری ناوخۆی تورکیا لە ئێران حێزبەکانی ڕۆژهەڵاتی کوردستان بووە

پەیامی کورد     ...    بابەتی سەرەکی دانیشتنەکانی سولەیمان سۆیلۆ وەزیری ناوخۆی تورکیا لە ئێران حێزبەکانی ڕۆژهەڵاتی کوردستان بووە

تەوەرێکى سەرەکى گفتوگۆى وەزیرانى ناوخۆى کۆمارى ئیسلامى و تورکیا حیزبەکانى ڕۆژهەڵاتى کوردستان بوو

سولەیمان سۆیلۆ، وەزیری ناوخۆی تورکیا دوو رۆژە لە تارانە و خەریکى گفتوگۆیە لەگەڵ ئەحمەد وەحیدی، وەزیری ناوخۆی کۆمارى ئیسلامی و یەکێک لە گرینگترین پرسى کۆبوونەوەکانیان، دەرکردن و پشتگیرینەکردنى ئۆپۆزسیۆنى هەردوو ووڵاتە.

وەزیری ناوخۆی تورکیا ڕایگەیاند : بۆ ڕووبەڕووبونەوەى هێزە تیرۆریستیەکانى وەک پەکەکە قسەمان کرد. ئەمنیەتى سنوورەکانمان باسێکى گرینگى هەردوولامان بوو.
لە نێوان باکوور و ڕۆژهەڵاتی کوردستاندا دیوارێکمان دروست کردووە. و ئەم دیوارەش بۆ پێشگرتنە لە پەکەکە و کۆچبەرانی ئەفغانی.
 تورکیا بە هێز و سیستەمى باشترەوە لەسەر سنوورە . کامێراى چاودێرى و تیمى سەربازى گەڕۆکمان لەسەر زەوی و فڕۆکەى بێ فڕۆکەوانمان لە ئاسمان هەیە بۆ پاراستنى ووڵاتەکەمان.

 وەزیری ناوخۆی کۆمارى ئیسلامى ئێران یش رایگەیاند : لە سەر بابەتی ڕووبەڕووبونەوەى تیرۆر و قاچاخى چەک و ئاڵوگۆڕى بازرگانى لەگەڵ تورکیا هاوڕا و تەباین. و هەروەها کارمان کردووە و بڕیارمان لەسەر درووستکردنى کارى هاوبەش بۆ پاراستنى سنوورەکانمان داوە.