بە هۆی هێرشی ئاسمانی ئەمریکاوە بۆ سەر تاڵیبان ٢٠٠ تاڵب کوژران

پەیامی کورد      ...   بە هۆی هێرشی ئاسمانی ئەمریکاوە بۆ سەر تاڵیبان ٢٠٠ تاڵب کوژران .

بە پێی ووتەی " فۆئاد ئەمان " ووتەبێژی وەزارەتی بەرگری نیشتیمانی ئەفغانستان ، شەوی شەممە لە دوای هێرشی فڕۆکەگەلی شەڕکەری جۆری B-52 ئەمریکی بۆ سەر مۆلگە و بارەگاکانی تاڵیبان لە ویلایەتی " جۆزجان ' ٢٠٠ تاڵب کوژران .

ووتەبێژی وەزارەتی بەرگری نیشتیمانی ئەفغانستان لە لاپەڕەی تویتەری خۆیدا نووسی : فڕۆکەگەڵی شەڕکەری جۆری B-52 ی ئەمریکا شەوانە شەوی شەممە شوێنی کۆبوونەوەی تاڵیبان یان لە شاری " شبرغان " لە ویلایەتی " جۆزجان " کردووەتە ئامانج و لە دەرئەنجامی ئەم هێرشەدا بە شێوەیەکی بەرفراوان و زۆر قورس گورزێکی گەورە بە تێرۆریستانی تاڵیبان کەوتووە وژمارەیەکی بەرچاویان کوژراون .

هەر لەمبارەیەوە ڕۆژنامەی ئەمریکی " تایمز " ڕاپۆرتی داوە ، هێزەکانی ئەمریکا بە بۆمب هاوێژگەلی جۆری B-52 و هەروەها فڕۆکەگەلی جۆری AC 130 ، مۆڵگە و بارەگاکانی تاڵیبان یان لە سێ شاری ئەفغانستان بۆمباران کردووە .

ئەمە لە حاڵێکدایە کە جۆ بایدن پێشتر فەرمانی کردبوو کە بۆ سەرکوتکردنی تاڵیبان لە ئەفغانستان ، کەڵک لە بۆمب هاوێأگەلی جۆری B-52 وەربگیرێت .

بۆمب هاوێژگەلی جۆری B-52 توانایی هەڵگرتنی ٣٢ تەم بۆمب ی هەیە و بۆ ڕاوەستاندنی هێرشەکانی تاڵیبان بۆ سەر شارە گەورەکانی ئەفغانستان مۆڵگە و بارەگاکانی گرووپی تاڵیبان لە دەورووبەری شارەکانی هەرات ، لەشکرگا و قەندەهار یان کردووەتە ئامانج .