بەهۆی کەوتنی کرێنێکەوە 17 کرێکار گیانیان لەدەستدا

پەیامی کورد... بەهۆی کەوتنی کرێنێکەوە 17 کرێکار گیانیان لەدەستدا

لە یەکێک لە ویلایەتەکانی هیندستان، لەکاتی دروستکردنی پردێکدا کرێنێک کەوتە خوارەوە و بەهۆیەوە 20 کرێکار بوونە قوربانی.

میدیاکانی هیندستان بڵاویانکردەوە:" لەکاتی دروستکردنی پردێک لە ویلایەتی ماهاراشترای هیندستان، کرێنێک کەوتە خوارەوە و بەوهۆیەشەوە 17 کرێکار گیانیان لەدەستدا و سێ کرێکاری دیکەش بریندار بوون".

باسی لەوەشکرد:" دوابەدوای رووداوەکە تیمە فریاگوزارییەکان گەیشتنە شوێنی رووداوەکە و سەرجەم بریندارەکان گواسترانەوە بۆ نەخۆشخانە بە مەبەستی وەرگرتنی چارەسەری پێویست".

ئەوەشی خستەڕوو:" لە ئێستادا لایەنە پەیوەندیدارەکان بە مەبەستی زانینی هۆکاری رووداوەکە لێکۆڵینەوەکانیان دەستپێکردووە، هەروەها گومان دەکرێت شەش کرێکاری دیکە لەژێر پاشماوەی رووداوەکەدا مابنەوە".