بە هۆی تووشبوونی زۆربەی پەرلەمانتاران بە کۆرۆنا پەرلەمان ناتوانێ کارەکانی خۆی بکات

پەیامی کورد     ...    بە هۆی تووشبوونی زۆربەی پەرلەمانتاران بە کۆرۆنا پەرلەمان ناتوانێ کارەکانی خۆی بکات

بڕیاردەری لیژنەی دارایی لە پەرلەمانی عێراق رایگەیاند، كۆمەڵێك پرسیاریان لە حكوومەتی عێراق كردووە و ووڵامیان ناداتەوە. دەشڵێ: "پەرلەمان بە ھۆی كۆرۆناوە ناتوانێ كۆببێتەوە، بۆ ئەوەی بانگھێشتیان بكەین و داوای ڕوونكردنەوەیان لێ بكەین".

دكتور ئەحمەد سەفار، بڕیاردەری لیژنەی دارایی لە پەرلەمانی عێراق رایگەیاند : " ئێمە وەكوو لیژنەی دارایی پەرلەمانی عێراق چەندین پرسیارمان لە ڕووی داراییەوە ئاراستەی حكوومەت و وەزارەتی دارایی كردووە، بەڵام ووڵامی پەرلەمان نادەنەوە و بە ھۆی ئەوەی نەخۆشی كۆرۆناوە پەرلەمانیش ناتوانێ كۆببێتەوە، بۆیە ناتوانین حكوومەت بانگھێشتی پەرلەمان بكەین".

بڕیاردەری لیژنەی دارایی ووتیشی: "چەندین كارمەندی ئێمە لە پەرلەمان بە ھۆی كۆرۆنا گیانیان لە دەست داوە و ژمارەیەكی زۆری پەرلەمانتارانیش تووشی كۆرۆنا بوونە، بۆیە پەرلەمان جارێ ناتوانێ بەو شێوەیە كۆببێتەوە".

دەشڵێ: "دوای دەستبەكاربوونی حكوومەت، تا ئێستا ھیچ ھەماھەنگییەك لە نێوان پەرلەمان و حكوومەت نییە و چاوەڕێی باشبوونی دۆخی تەندرووستی دەكەین لە عێراق".