بەپەلە ... مەجلیسی نوێنەرانی ئەمریکا ... دەوڵەتی ترامپ لە هەوڵی پێدانی تەکنۆلۆژیای ئەتۆمییە بە عەرەبستانی سەعوودی

پەیامی کورد  ...  مەجلیسی نوێنەرانی ئەمریکا ڕاپۆرتێکی بڵاو کردووەتەوە کە دەڵێ کەسانێک کە بۆ کۆمیسیۆنی پێداچوونەوەی ئەم مەجلیسە دەریانخستووە کە دەوڵەتی دۆناڵد ترامپ هەوڵیان دابوو بێ گرینگیدان بە خاڵە یاساییەکان و ئەمنییەتییەکان هەر چی زووە تەکنۆلۆژیای نوێ و زۆر هەستیاری ئوتۆمی ڕادەست بکەن . ئەم ڕاپۆرتە هەروەها لە نهێنی بوونی ئەم مامەڵانەی دەوڵەتی دۆناڵد ترامپ لەگەڵ عەرەبستانی سەعوودی دا نیگەرانی خۆی دەربڕی .

لە ڕپۆرتێکی ٢٥ لاپەڕەیی دا " ئالایجا کامینگز " بەرپرسی کۆمیسیۆنی پێداچوونەوەی مەجلیسی نوێنەرانی ئەمریکا هۆشداری داوە کە هەناردەکردن و گواستنەوەی ئەم تەکنۆلۆژیایە دەتوانێ بە پەرەپێدانی چەکی ئەتۆمی و ناسەقامگیر لە ڕۆژهەڵاتی ناوەڕاستدا ببێتە هۆکار .

لەم ڕاپۆرتەدا هاتووە کە کۆمپانیا تایبەت و ناحکوومییەکان کە لە پەیوەندی نزیکدان لەگەڵ ترامپ و دەوڵەتەکەی دا بە گرینگیدان بە دەرئامەدی چەند میلیارد دۆلاری بە هۆی درووست کردن و خستنە ڕێی ئەم تەکنۆلۆژیایەوە ، فشارێکی زۆری بۆ گواستنەوەی ئەوان بە دەوڵەتی ئەمریکادا هێناوە .