بەپەلە ... سەروەت و سامانی تاکە کەسی ڕابەری ئێران " خامنەیی " زیاتر لە ٢٠٠ میلیارد دۆلارە

پەیامی کورد   ...    باڵیۆزخانەی ویلایەتەیەکگرتووەکانی ئەمریکا کە بەغدا ڕۆژی هەینی ٢٦ی ئەیپریل ی ٢٠١٩ لە ڕپۆرتێکدا ماڵ و سامانی ڕابەری ئێران " خامنەیی " ، بە زیاتر لە ٢٠٠ میلیارد دۆلار هەژمار کرد .

بە پیی ڕاپۆرتێک لە العربییە ، لە بەیانییەک دا کە لاپەڕەی تایبەتی فەیسبووک ی بالیۆزخانەی ئەمریکا لە عێراق بلاو کراوەتەوە کە فەساد لە هەموو پارچەکانی ڕژیمی ئێران لە سەرووی هەمووشیانەوە خامنەیی بگرە تا بنەڕەتی داگرتووە .

ئەم بالیۆزخانەیە هەروەها ڕایگەیاند چل ساڵ لە دوای " حکوومەتی ئاخووندەکان " و لە کاتێک کە زۆربەی هەرە زۆری خەڵکی نەتەوەی ئێران بە هۆکاری ڕەوش و دۆخی نالەباری ئابوورییەوە لە بن خەتی فەقر و نەبوونییا دەژین ، ماڵ و سامانی ڕابەری ئێران بە تەنیایی ٢٠٠ میلیارد دۆلار تەخمین دەکرێت .

 پێشتر ڕۆیتەرز چەند ساڵ پێش لە ڕاپۆرتێکدا دەربارەی ئاخووند و ڕۆحانییە دەوڵەمەندەکان ، لە خامنەیی وەکوو کەسێک یادی کردبووەوە کە بە ٩٥ لیلیارد دۆلار لە سەرووی ئەم لیستەیەدایە . ئەم بڕە سئەم بڕە سێ بەرامبەر زیاتر لە ماڵ و سامانەکانی موحەمەد ڕەزا شای پەهلەوەی شای پێشووی ئێرانە ، ئەو کەسەی کە بە بیانەەی بەرەنگاربوونەوە لەگەڵ نەبوونی و فەقر ، حکوومەتەکەی ڕووخا .

بەرپرسێکی ئەمریکی ڕۆژی پێنجشەممە ووتی کە گەمارۆوەکانی سەر ئێران و لە دژی ئێران ، ئەم وولاتە لە بە دەست هێنانی ١٠ میلیارد دۆلار فرۆشتن و داهاتی نەوت بێ بەش کردووە

برایان هۆک ، نوێنەری تایبەتی وەزارەتی کاروباری دەرەوەی ئەمریکا لە کاروباری ئێران و ڕاوێژکاری سیاسەتەکانی دەرەوەی ئەمریکا ، لە پەیوەندییەکی تەلەفوونی دا لەگەڵ ڕۆژنامەوانان ڕایگەیاند ئەمریکا هەموو بەری بوونەکانی بۆ کڕینی نەوەت لە ئێران هەڵدەوەشێنێتەوە .

هۆک داوای لە هەموو ووڵاتان کردووە لە سەرەتای مانگی مەی بە هەموو جۆرە هاوردەکردنێکی نەوتی ئێران کۆتایی بێنن ئەگەر نا ئەوە بەرەوڕووی تێچوویەکی زۆر قورس دەبنەوە