بەپەلە ... ئیسرائیل ئامادەیی تەواوی ئەمریکای بۆ هێرش کردنە سەر ئێران پشتڕاست کردەوە

پەیامی کورد   ...    سەرچاوە سەربازییەکانی ئیسراییل ئامادەیی ئەمریکایان بۆ هێرشێکی ڕێگەپێدراو بۆ سەر ڕژێمی ئێران بەم زووانە پشتڕاست کردەوە

سەرچاوە ئیسرائیلییەکان ڕایانگەیاند " تێل ئەڤیڤ زانیارییگەلێکی زۆر گرینگی لە لایەن ئەمریکا پێگەیشتووە کە سەبارەت بە ویستی ئەوان بۆ ڕێکخستنی هێرشێک بۆسەر ڕژێمی ئێران بەم زووانەیە و خوازیاری ئامادەبوون بۆ هێرشی مووشەکی لە ناوچەکانی ژێرکونترۆڵی ڕژێمی سووریا و لوبنان و باریکەی غەزە لە داهاتوودایە.

ئەم سەرچاوەیە هەروەها ووتی هۆکاری ئەم هێرشانە بەئامانج گرتنی کەشتییەکانی بەندەری فوجەیرەی ئیمارات و پاڵاوگە نەوتییەکان لە عەرەبستانە. بەڵام ئاشکرای نەکردووتەوە کە ئایا ئسراییل دەکێشێتە ناو ئەم شەڕوپێکدادانە یان تەنیا ئەمریکایە.

بەووتەی ئیندیپندێنتی ئەمریکا بەدوای پێکهاتنی یەکیتییەکی هاوبەشی کەنداوی فارس و ئەمریکا بۆ بەرنگاربوونەوە لە گەڵ ئێران لەبواری سیاسی و سەربازییەوە و هەروەها لەڕوانگەی ئەمریکاوە کۆبوونەوەکەی مەککە ئەنجامێکی ئەرێنی هەبووە.