بەشار ئەسەد لە سەفەرێکی چاوەڕوان نەکراو دا سەردانی ئێرانی کرد

پەیامی کورد     ...    بەشار ئەسەد لە سەفەرێکی چاوەڕوان نەکراو دا سەردانی ئێرانی کرد

دوێنێ یەکشەممە بەشار ئەسەد سەرۆککۆماری سووریا لە سەفەرێکی چەند کاتژمێری دا گەیشتە تاران و لەگەڵ عەلی خامنەیی ڕابەری ئێران دیدار و چاوپێکەوتنی ئەنجام دا .

یەکێک لە ئاژانسە میدیاییەکانی سەر بە شەورای باڵای ئەمنییەتی نەتەوەیی ئێران بە پشتڕاست کردنەوەی هەواڵی سەفەری چەند کاتژمێری ئەسەد بۆ تاران ڕایگەیاندووە : بەشار ئەسەد لەگەڵ " عەلی خامنەیی " ڕابەری باڵای ئێران و ئیبراهیم رەئیسی سەرۆککۆماری ئەو وولاتە دیدار و چاوپێکەوتنی کردووە و لە دوای ئەم چاوپێکەوتنە گەڕاوەتەوە سووریا .

ئەم چاوپێکەوتنانە لە حاڵێکدا ئەنجام دراوە کە نەفتالی بێنت سەرۆکوەزیرانی ئیسرائیل یش لەم دواییانە لەگەل ڤلادیمری پووتین سەرۆککۆماری ڕووسیا کە لە پاڵپشتانی بەشار ئەسەد هەژمار دەکرێت تەلەفۆنی گفتووگۆی کردووە . لە هەمان حاڵدا هەڵوێستی ئێران و هێزەکانی سەر بە ئەوانی لە سووریا کراوەتە ئامانجی هێرشە ئاسمانییەکانی ئیسرائیل ەوە .

هەروەها ئیسرائیل هۆشداری داوە کە ناهێڵێت ئێران لە سووریا و لە نزیک سنوورەکانی ئەو جێگیر بوونی سەربازی هەبێت .