ئێف بی ئای کەسێکی میسڕی بە تۆمەتی سیخوڕی کردن لە دژی دژبەرانی سیسی دەست بەسەر کرد

پەیامی کورد      ..     ئێف بی ئای کەسێکی میسڕی بە تۆمەتی سیخوڕی کردن لە دژی دژبەرانی سیسی دەست بەسەر کرد

العربی الجدید نووسی : کەسێکی پلە باڵای بەرپرس لە وەزراتەی کاروباری دەرەوەی میسڕ لە ووتارێکدا دەربارەی بەیاننامەی وەزارەتی دادی ئەمریکا سەبارەت بە دەستبەسەر کردنی کەسێکی بە ڕەگەز میسڕی - ئەمریکی بە تاوانی کۆکردنەوەی زانیاری دەربارەی دژبەرانی ڕژیمی عەبدۆلفەتاح سیسی لە نیۆیۆرک خۆی بە دوور گرت .

بە پێی ڕاپۆرتێک ئەم بەرپرسە لە ووتووێژێکدا لەگەڵ العربی الجدید بە ئاماژەدان بەوەی کە وەزارەتی دەرەوەی میسڕ خەریکی ئامادەکاری ووڵامێک بۆ قسەکانی دادوەری گشتی ئەمریکایە و ووتی : پەیوەندییەکانی میسڕ و ئەمریکا پتەوە و لە ژێر کاریگەری ئەم جۆرە بابەتانە دا نابێت .

ئەمە لە حاڵیکدایە کە نووسینگەی لێکۆڵینەوەکانی فێدڕاڵ لە ئیالەتی نیۆیۆرک ی ئەمریکا دوێنێ پینجشەممە هەواڵی لە دەستبەسەر کردنی کەسێکی بە ڕەگەز میسڕی بە ناسنامەی هاووڵاتی بوونی ئەمریکی یەوە بە ناوی : پییەر جەرجس " ی بە تاوانی سیخوڕی کردن لە دژی دژبەرانی میسڕ لە ئەمریکا بڵاو کردبووەوە .

ئەم نووسینگەیە هەروەها ڕایگەیاند کە کەسی ئاماژە پێکراو لە جیاتی ڕژیمی میسڕ لە ئەمریکا چالاکیگەلێکی سیخوڕی ئەنجام داوە و بڕیار وایە بەم زووانە بدرێتە دادگا .

دادوەری ئەمریکا ڕایگەیاندووە : کە حکمی کەسێکی لەم شێوەیە لە ئەگەری سەلماندنی تاوانەکەی ، لە ٥ تاکوو ١٠ ساڵی بەند کردن و زیندانییە .