بەپەلە ... دەرچوونی ئەرتەشی ئەمریکا لە سووریا ئامادەکارییە بۆ هێرش کردنە سەر ئێران

پەیامی کورد ...  ئەمریکا ئەرتەشی خۆی لە سووریا دەباتە دەر بۆ ئەوەی لە سەر هێرشی سەربازی بۆ سەر ئێران تەرکیز بکات .

بە پێی ڕاپۆرتێک ، لێکۆڵەری بەناوبانگی قەتەری لە ڕۆژنامەی " العرب " جابر العورمی لەمبارەوە نووسی : سەرۆککۆماری ئەمریکا دۆناڵد ترامپ ڕۆژی چوارشەممە سەبارەت بە سەرکەوتن بە سەر گرووپی داعش لە سووریادا هەواڵیدا و ڕایگەیاند کە ئەمە هۆکاری سەرەکی ئامادەبوونی سەربازانی ئەمریکی لەم ووڵاتەدا بووە .

سارا ساندێز ، ووتەبێژی میدیایی کۆشکی سپی ش دواتر ڕایگەیاند کە ئەمریکا دەرچوونی ئەرتەشەکەی لە سووریا دەست پێکردووە ، بەڵام سەرکەوتن بە سەر داعشدا بە مانای نەبوونی هاوپەیمانی نییە . ئاژانسی هەواڵی ڕۆیتەرز بە پشت بەستن بە سەرچاوەکانی هەواڵی خۆی ڕایگەیاند کە تەواوی کارمەندانی وەزارەتی دەرەوەی ئەمریکا لە ماوەی ٢٤ کاتژمێردا لە سووریا دەرچوونە و لەوێ نەماون و هێزە چەکدارەکانیش لە ماوەی ٦٠ تاکوو ١٠٠ ڕۆژدا لەو ووڵاتە بە تەوای دەردەچن .

الحورمی ووتی : " بزووتنەوەی ئەمریکا لە سووریا و دەرچوونی ئەرتەش نابێ وەکوو هەنگاوی بێ تاوانی لە قەڵەم بدرێت . ئایا ترامپ ئەم کارەی نەکردووە کە بیرۆکەی سەربازی خۆی بۆ سەر ووڵاتی ئێران ڕێک بخات و لە کێشە ناوخۆییەکان دەربچێت و خۆی بدزێتەوە .

ئەم کارناسە جەخت دەکاتەوە کە نرخی ئەم بڕیارە دەکەوێتە سەر شانی ووڵاتانی ناوچەکە .

لە قەتەر بنکەیەکی زۆر گەورەی ئەمریکی لە ڕۆژهەڵاتی ناوەڕاست بوونی هەیە لەو جێگایەی کە ئەمریکییەکان لە سووریا و عێراق هێرشیان دەکردە سەر مۆڵگەکانی داعش .