”دانیشتنی پارتی و شاندی فەتح و دەوڵەتی قانوون ئیجابی بووە“

پەیاما کورد ـ شاندی هاوبەشی فەتح و دەوڵەتی قانوون لەگەل شاندی پارتی دیموکراتی کوردستان کۆ بوونەوە و بەرپرسێکی پارتیش دانیشتنەکە ئەرێنی وەسف دەکات.

ئەمڕؤ شەممە 7\7\2018 دانیشتنی نێوان پارتی دیموکرات و شاندی هاوبەشی فەتح و دەوڵەتی قانوون لە هەولێر بەڕێوە چوو و فازڵ میرانی، سکرتێری مەکتەبی سیاسیی پارتی دیموکرات لە پریس کۆنفرانسێکدا ڕایگەیاند کە ” ئەم دانیشتنە هاوبەشە هەنگاوێکی باش  و ئیجابی بووە“.

فازڵ میرانی، هەر لەو پرێس کۆنفرانسەدا، ئاشکراشی کرد، کە ئەو شاندە  دەچێتە سلێمانی و لایەنە سیاسییەکانی سلێمانیش دانیشتنیان دەبێت.