مەسروور بارزانی سەرۆکی حکومەتی هەرێمی کوردستان پێشوازی لە باڵیۆزی ئەمریکا لە عێراق دەکات

پەیامی کورد     ...    مەسروور بارزانی سەرۆکی حکومەتی هەرێمی کوردستان پێشوازی لە باڵیۆزی ئەمریکا لە عێراق دەکات

ئەمڕۆ سێشەممە 2020/6/2 مەسروور بارزانی سەرۆکی حکومەتی هەرێمی کوردستان پێشوازی لە ماتیۆ تولەر باڵیۆزی ئەمریکا لە عێراق کرد. 

لە دیدارەکەدا کە ستیڤن فەیگن کونسوڵی گشتی ئەمریکا لە هەولێر ئامادەی بوو، بارودۆخی عێراق و ناوچەکە و پەرەپێدانی پەیوەندییەکانی هەرێمی کوردستان و ئەمریکا تاوتوێ کرا.

باڵیۆزی ئەمریکا لە عێراق ئاماژەی بە گرینگی دایەلۆگی ستراتیژی نێوان ووڵاتە یەکگرتووەکانی ئەمریکا و عێراق کرد، کە بڕیارە لەم مانگەدا ئەنجام بدرێت و هەرێمی کوردستانیش تێێدا بەشدار دەبێت. گوتیشی ئێمە هەموو هەوڵێک بۆ یارمەتیدانی عێراق  و هەرێمی کوردستان دەدەین ، بەتایبەتیش بۆ تێپەڕاندنی ئەم دۆخە ئابوورییە سەختەی بە هۆی بڵاوبوونەوەی کۆرۆناوە هاتووەتە ئاراوە.

سەرۆکی حکومەتی هەرێمی کوردستان جەختی لە گرینگی بەشداری هەرێمی کوردستان کردەوە لە دایەلۆگی ستراتیژی نێوان عێراق و ئەمریکا بە شێوەیەک کە ئەنجامەکانی لە بەرژەوەندی گشتی تەواوی پێکهاتەکانی عێراقدا بێت.