وادەی تەواو بوونی وێستگەی کارەبای ٣٠٠ مێگاواتی خەبات ڕاگەێندرا

پەیامی کورد     ...    وادەی تەواو بوونی وێستگەی کارەبای ٣٠٠ مێگاواتی خەبات ڕاگەێندرا

وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ کاتژمێر کارەبا بە هاووڵاتییان بدەن و دۆخی کارەباش تا ئێستا جێگیرە.

کەمال محەمەد، وەزیری کارەبای حکوومەتی هەرێمی کوردستان ڕایگەیاند : "تیمێکی کۆریایی گەیشتووەتە هەرێمی کوردستان بە مەبەستی تەواوکردنی وێستگەی کارەبای ٣٠٠ میگاواتی قەزای خەبات."

ووتیشی: "بڕیارە لە دوو هەفتەدا ئەو وێستگەیە تەواو بکرێت و بکەوێتە کار، بە بڕیاری سەرۆکی حکوومەت ئەو تیمە گەیشتووەتە هەرێم و دەست بە کارەکانی دەکات بۆ ئەوەی بتوانین کارەبای زیاتر بە هاووڵاتییان بدەین."

وەزیری کارەبا ئاماژەیشی دا: "دۆخی کارەبا جیگیرە و توانیویشمانە زیاتر لە ٢٠ کاتژمێر کارەبا بە هاووڵاتیان بدەین و لە مانگی ٦دا کارەبا لە بەنداوی دووکانیش زیاد دەبێ و دەتوانین ١٠٠ مێگاواتی تر بە هاووڵاتییان بدەین."