جۆ بایدن لەسەر تووندوتیژییەکانی ئێران بەرامبەر خۆپێشاندەران هاتە دەنگ

پەیامی کورد    ...  جۆ بایدن لەسەر تووندوتیژییەکانی ئێران بەرامبەر خۆپێشاندەران هاتە دەنگ

جۆ بایدن سەرۆککۆمارى ئەمریکا هەر ئێستا بەیاننامەیەکى لەسەر تووندوتیژییەکانى هێزە ئەمنییەکان بەرامبەر خۆپێشاندەرانى ئاشیتخوازى ئێران بڵاو کردەوە و گوتى:

من زۆر نیگەرانم لەو ڕاپۆرتانەى کە باس لە زیادبوونى تووندوتیژى و سەرکوتکردنى خۆپێشاندەرانى ئاشتیخواز لە ئێران دەکەن

  لەوانە خوێندکاران و ژنان کە داواى مافى یەکسانى و کەرامەتى ئینسانى دەکەن.

ئەوان داواى دادپەروەرى و پرەنسیپە جیهانییەکان دەکەن کە جاڕنامەى مافى مرۆڤ و یاساکانى نەتەوە یەکگرتووەکان هاتووە.

  چەندین دەیەیە کە ڕژێمى ئێران ئازادییە سەرەتاییەکانى لە گەلانى ئێران یاساغ کردووە و ئاوات و ئارەزووى نەوەى نەوێى لە ڕێگەى هێز و تووندوتیژییەوە سەرکوت کردووە.

ئەمریکا پشتیوانى ژنانى ئێران و هەموو شارۆمەندانى ئێران دەکات کە بوێرییەکەیان بووەتە ئیلهامبەخشى هەموو دنیا.

  ئەمریکا دەستوێڕاگەیشتنى خەڵکى ئێران بە ئەنتەرنێتى ئازاد، ئاسانتر دەکات، لەوانە پێدانى خزمەتگوزارى ئەنتەرنێتى و پلاتفۆڕمە پارێزراوەکان.

  هەروەها ئەمریکا بەرپرسەکانى کۆمارى ئیسلامى، بە بەرپرسیار دەزانێت لە تاوان و سەرکوتکردنەکان و پۆلیسى ئەخلاق.

  پۆلیسى ئەخلاق بەرپرس دەزانین لە تووندوتیژى دژ بە کۆمەڵگەى مەدەنى ئێران.

  ئەم حەفتەیە، ئەمریکا گەمارۆ و ئاستتەنگى زیاتر لەسەر تاوانبارانى تووندوتیژییەکانى دژ بە خۆپێشاندەرانى ئاشتیخواز دەسەپێنێت.