ئه‌بو به‌كر به‌غدادی هێشتا خۆی له‌ عێراق حه‌شار داوه‌

چه‌كدارانی داعش ده‌یانه‌وێ بۆ جاری دووه‌م به‌فراوانی په‌لاماری عێراق و سووریا بدەنەوە.

  رۆژنامه‌ی تایمزی بریتانی رایده‌گه‌ێنی، ئه‌و ناكۆكی و ململانێ تائیفیه‌ی له‌ناوچه‌كه‌دا هه‌یه‌، ده‌بێته‌ ده‌رفه‌تی هه‌ستانه‌وه‌ی داعش و ریزه‌كانی خۆی رێكده‌خاته‌وه‌و جارێكی دیكه‌ هێرش ده‌كاته‌وه‌ سه‌ر عێراق و سووریا.

رۆژنامه‌ بریتانییه‌كه‌ ده‌شنووسێت،

ئه‌بو به‌كر به‌غدادی هێشتا خۆی له‌ عێراق حه‌شار داوه‌ و پیده‌چێت داعش ئاماده‌ییه‌كی به‌هێزی له‌ پاریزگای دیاله‌ و مووسڵ و ئه‌نبار هه‌بێت و ئه‌گه‌ری ئه‌وه‌ش زۆره‌ كه‌ ئه‌بو به‌كر به‌غدادی رێبه‌ریان هێشتا له‌و ناوچانه‌دا خۆی حه‌شاردابێت.