هاوپەیمانییەتی دەوڵەتی یاسا لە سێ پارێزگا بەشداری هەڵبژاردنەکان ناکات

ووتەبێژی هاوپەیمانییەتی دەوڵەتی یاسا ڕایدەگەینێت “هاوپەیمانییەتی دەوڵەتی یاسا لە پارێزگاکانی ئەنبار و سەڵاحەدین و نەینەوا بەشداری لە هەڵبژاردنەکان ناکات”.

لە کۆنفرانسیکی رۆژنامەوانیدا عەباس موسەوی، وتەبێژی هاوپەیمانییەتی دەوڵەتی یاسا رایگەیاند کە هاوپەیمانێتییەکە لە شارەکانی ئەنبار و سەلاحەدین و نەینەوا بەشداری ناکات و ئاماژەی بەوەدا کە کەسیان کاندید نەکردووە.

هاوکات وتەبیژەکە ئاماژەی بەوەدا کە دوای ماوەیەک و کاتی خۆیدا هۆکاری بەشدارینەکردنی هاوپەیمانیەتی دەوڵەتی یاسا لە پارێزگاکان رادەگەیەنن.

هاوپەیمانییەتی دەوڵەتی یاسای یەکێکە لە هێزە سیاسییەکانی عێراق و لەلایەن نووری مالیکی، جێگری سەرۆککۆماری عێراق سەرکردایەتی دەکرێت و هەوڵ دەدات حکوومەتەکەی داهاتووی عێراق دابمەزرێنێت.