هەڵاوسانی ئابووری ڕووسیا بەرز دەبێتەوە

پەیامی کورد... هەڵاوسانی ئابووری ڕووسیا بەرز دەبێتەوە

بانکی ناوەندیی ڕووسیا پێشبینییەکانی خۆی بۆ ئابووریی وڵاتەکەی لە سێ ساڵی داهاتوودا خستە ڕوو و بەپێی پێشبینییەکان دەردەکەوێت کە هەڵاوسان زیاتر بەرز ببێتەوە.

لە پێشبینییەکانیدا، بانکی ناوەندیی ڕووسیا ئەوەی خستووتە ڕوو کە چاوەڕوان دەکات داتاکانی پەیوەست بە کۆی بەرهەمی ناوخۆیی، ئەرێنی بن و بۆ ساڵی داهاتوو بە ڕێژەی ١.٥٪گەشە بسەنێت.

ئاماژە بەوەشکراوە؛ پێشبینی دەکرێت ڕێژەی سوودی بانکیی لە ساڵی ٢٠٢٣دا بۆ ٦.٨٪ و لە ساڵی ٢٠٢٤دا بۆ ٨.٥٪ بەرز ببێتەوە.

هەرچی لە داتاکانی پەیوەست بە هەڵاوسانە، بانکی ناوەندی ڕووسیا چاوەڕوان دەکات تا کۆتایی ئەمساڵ هەڵاوسان لە ڕووسیا بۆ ١٥٪ بەرزبوونەوە بە خۆییەوە ببینێت و لە ساڵی داهاتووەوە دەست بە دابەزینێکی خێرا بکات.