هاوسەرۆکی " هەدەپە " ... هەڵبژاردن دەبێ پێش هەموو شتێک زمانی سیاسەت بگۆڕێت ، سبەینێ ژیانێکی نوێ دەست پێدەکات

سەزای تەمەلی، هاوسەرۆکی گشتی پارتی دیموکراتی گەلان " هەدەپە " دوای ئەوەی بەشداری لە پرۆسەی دەنگداندا کرد ، لە لێدوانێکدا ڕایگەیاند، لە سبەینێ وە لە پێناو دیموکراسی و ئاشتیدا، گۆڕانکاری گرینگ ببینن.

سەزای تەمەلی، هاوسەرۆکی گشتی پارتی دیموکراتیکی گەلان " هەدەپە " ئەمڕۆ دوای ئەوەی دەنگیدا لە لێدوانێکدا بۆ رۆژنامەنوسان رایگەیاند، "هیوادارم ئەم هەڵبژاردنە بۆ گەلی تورکیا، بۆکرێکاران، ژنان، گەنجان و هەرکەسێک کە لەم وڵاتەدا ستەمی لێکراوەدا ببیتە خێر".

ئاماژەی بەوەشکرد، "هەڵبژاردن پێش هەموو شتێک دەبێت زمانی سیاسەت بگۆڕێت، هاووڵاتیانی تورکیا داوای ژیانێکی نوێ، ژیانێکی ئازاد و پێکەوەژیان دەکەن."

تەمەلی لەکۆتاییدا ووتیشی، "ئێمە لەسەر ئەوباوەڕەین کە لەبەیانییەوە لە تورکیا بۆ دیموکراسی و ئاشتی گۆڕانکاریی گرینگ ئەنجام بدرێت، من ئەمڕۆ لێرەدا ئەرکی خۆم وەک هاووڵاتییەک ئەنجامدا، هیوادارم ببێتە مایەی خێر بۆهەمووان."

کاتژمێر ٧:٠٠ دەرگای سندوقەکانی دەنگدان بەڕوی زیاتر لە ٥٧ ملیۆن هاوڵاتی تورکیادا کرایەوە کە تێیدا نزیکەی ١٢ پارتی سیاسی رکابەری بردنەوەی سەرۆکایەتی زۆربەی شارەوانییەکان دەکەن.