حەشدی شەعبی ڕاگەێندراوێک بڵاو دەکاتەوە

پەیامی کورد    ...    بەڕێوبەرایەتی ئاسایشی سەربە حەشدی شەعبی رەتیدەكاتەوە هێزەكانیان بە قەناس تەقەیان لە خۆپیشاندەران كردبێت.
بەڕیوبەرایەتی ئاسایشی سەربە حەشدی شەعبی لە عیراق بەیاننامەیەكی بڵاوكردەوە و رایگەیاند: میدیا ڕۆژئاواییەکان زانیاری بێ بنەمایان سەبارەت بە كوشتنی خۆپیشاندەران بە چەكی قەناس بڵاوكردوەتەوە، بەڵام ئەو زانیارییانە ڕاست نین.
حەشدی شەعبی رایگەیاندووە كە بەهیچ جۆرێك دەستیان لە خۆپیشاندانەكان وەرنەداوە و تەنها بارەگا فەرمییەكانیان لە هەڕەشە دەرەكییەكان پاراستووە.
لە سەرەتای مانگی تشرینی یەكەم خۆپیشاندان و ناڕەزایی لە شارەکانی ناوەڕاست و باشووری عێراق لەدژی بێكاری و گەندەڵی و نەبوونی خزمەتگوزاری بەڕێوەچوو و بەهۆیەوە زیاتر لە 100 خۆپیشاندەر كوژران و سەدانی دیكەش برینداربوون و بەشێك لە بەرپرسان و میدیاكان باس لەوەدەكەن بە قەناس تەقە لە خۆپیشاندەران كراوە.