ئێران داوای دان بەخۆگرتنی ئەورووپاییەکانی لە دژی ئیسرائیل ڕەت کردەوە

پەیامی کورد   ...  ئێران داوای دان بەخۆگرتنی ئەورووپاییەکانی لە دژی ئیسرائیل ڕەت کردەوە

وەزارەتی دەرەوەی ئێران ڕۆژی سێشەممە ڕایگەیاند، داواکارییەکانی فەڕەنسا، ئاڵمانیا و شانشینی یەکگرتوو سەبارەت بە خۆگرتنی ئێران بەرامبەر بە ئیسرائیل "کەمی لۆژیکی سیاسی و پێچەوانەی بنەماکانی یاسای نێودەوڵەتییە".

ناسر کەنعانی، ووتەبێژی وەزارەتی دەرەوەی ئێران وتی: بەیاننامەی سێ وڵاتی ئەورووپایی، بەبێ هیچ ناڕەزایەتییەک بەرامبەر بە تاوانەکانی ئیسرائیل، بە بێ غیرەتانە داوا لە ئێران دەکات کە کاردانەوەی بەرامبەر پێشێلکردنی سەروەری و یەکپارچەیی خاکی ووڵاتەکەی نەبێت.

کەنعانی ئاماژەی بەوەش کرد، تاران بڕیاریداوە وەک ڕێگرییەک لەدژی ئیسرائیل مامەڵە بکات. داوای لە پاریس و بەرلین و لەندەن کرد "یەکجار و بۆ هەمیشە لە دژی شەڕی غەززە و شەڕخوازەکانی ئیسرائیل بوەستن".

فەرەنسا، ئاڵمانیا و بەریتانیا ڕۆژی دووشەممە بەیاننامەیەکیان بڵاوکردەوە و داوایان لە ئێران و هاوپەیمانەکانی کرد خۆیان لە هێرشەکانی دژ بە ئیسرائیل بەدوور بگرن، دوای کوژرانی ئیسماعیل هەنیە، بەرپرسی سیاسی حەماس لە تاران.