پێشوازی گەرمی سەرۆکوەزیرانی بەریتانیا لە سەرۆکی ئۆکراین

پەیامی کورد   ...   پێشوازی گەرمی سەرۆکوەزیرانی بەریتانیا لە سەرۆکی ئۆکراین 

کیەر ستارمەر، سەرۆک وەزیرانی بەریتانیا بە گەرمی پێشوازی ڤۆلۆدێمیر زلێنسکی، سەرۆکی ئۆکراین لە لەندەن دەكات و پشتیوانی تەواوی ووڵاتەكەی بۆ ئۆکراین دووپاتکردەوە.

ڕۆژنامەی دە سان-ی بەریتانی بڵاویكردەوە، ستارمەر بە باوەشێکی گەرم پێشوازی لە زێلێنسکی کردوە و دڵنیای کردووەتەوە كە ووڵاتەكەی هاوسۆزی ئۆکراین ە، لەکاتێکدا ژمارەیەک لە هاووڵاتیانی ووڵاتەكەی لە دەرەوەی شەقامی داونینگ کۆببوونەوە بۆ سڵاوکردن لە زلێنسکی.

ستارمەر لە میانەی دیدارەكەیدا بە سەرۆکی ئۆکراین ی وتووە، "ئێوە پشتگیری تەواوی بەریتانیاتان هەیە، گوێبیستی پشتوانیەكان بویت لە دەرەوە و گەلی بەریتانیا هاتوون بۆ ئەوەی نیشانتان بدەن کە چەندە پشتگیری ئێوە و ئۆکراین دەکەن".

بەگوێرەی ڕۆژنامەکە، ستارمەر هەوڵی دیپلۆماسی چڕوپڕی دەسپێكردوە بۆ چاککردنەوەی پەیوەندی نێوان زلێنسکی و ترامپ، کە مەترسی لەسەر ئایندەی ناتۆ درووست دەکات.

ئەو كۆبونەوە لەكاتێكدایە بڕیارە ئەمڕۆ كییەر ستارمەر، سەرۆك وەزیرانی بەریتانیا میوانداری لووتکەی دەیان سەرکردەی ئەورووپا، ناتۆ و کەنەدا بكات بەمەبەستی كۆكردنەوەی پشتوانی زیاتر بۆ ئۆکراین. 

ئەوە لەكاتێكدایە زلێنسکی ڕۆژی هەینی لەگەڵ دۆناڵد ترامپ، سەرۆکی ئەمریکا تووشی دەمەقاڵەی تووند بوو، سەرۆكی ئەمریكا لە كۆشكی سپی ڕەخنەی تووندی لێگرت و پاشان دەریكرد