ئەمریکا/ لە ئاهەنگێکدا بە هۆی تەقەکردن ١٦ کەس بوونە قوربانی

پەیامی کورد ... ئەمریکا/ لە ئاهەنگێکدا بە هۆی تەقەکردن ١٦ کەس بوونە قوربانی

بەرەبەیانی ئەمڕۆ لە ئاهەنگێکی خێزانی کە شاری نیویۆرک ساز کرابوو، بە هۆی تەقە کردنەوە دوو کەس کوژران و ١٤ کەسی دیکە بریندار بوون.

مارک سیمۆنس، بەرپرسێکی پۆلیسی نیویۆرک ئەمڕۆ شەممە ١٩ی ئەیلوول لە کۆنگرەیەکی رۆژنامەنووسیدا رایگەیاند "کاتێک پۆلیس گەیشتوونەتە شوێنی رووداوەکە، دیمەنێکی پەشێویی زۆریان بینیوە و خەڵک بە هەموو لایەکدا رایانکردووە".

بە وتەی پۆلیس: لە ئەنجامی ئەو تەقە کردنە ١٦ کەس بوونەتە قوربانی کە دوو کەسیان گیانیان لە دەست داوە.

دوو کوژراوەکە، پێکهاتوون لە پیاو و ژنێکی تەمەن ١٨ و ٢٢ ساڵ، بەڵام تائێستا ناسنامەیان بە فەرمی ئاشکرا نەبووە.