+ ڤیدیۆ ... ١٥ پەنابەر لە نێوان سنوورى پۆڵەندا و بیلاڕووسیا ، لەبەر سەرما و برسیەتی بێ جێگایی گیانى خۆیان لەدەست دا

بە پێی هەواڵ و زانیارییەکان بە هەزاران پەنابەر لە نێوان سنووری پۆڵەندا و بێلاڕووسیادا ماون و ژمارەیەکی زۆر لەو پەنابەرانە کورد و خەڵکی کوردستانی باشوورن .

ئەمە لە حاڵیکدایە نە ووڵاتی پۆڵۆنیا ڕێگا دەدات پەنابەران بگەنە سنوورەکەیان و نە بێلاڕووسیاش ڕێگە دەدات لەو سنوورەوە بگەڕێنەوە .

ئەو پەنابەرانە لە دۆخێکی زۆر نالەبار و خراپ دان و داواکار و هاواری یارمەتی دەکەن .

بە گوێرەی زانیارییەکان هەتاکوو ئێستا ١٥ پەنابەر بە هۆی سەرماو سۆڵە و نەبوونی جێگاو ڕێگا و هەروەها برسیەتی گیانی خۆیان لە دەستدا .