ئەگەری یەکەمین سەفەری سەرۆک کۆمارێکی فەڕەنسا بۆ ئێران دوای شۆرشی ئیسلامی

کۆشکی ئێلیزە ئاماژە دەکات سەرۆک کۆماری فەڕەنسا لە سەر داوەتەکەی حەسەن ڕۆحانی بۆ سەفەر بۆ تاران پێداچوونەوە دەکات . ئەمە لە کاتێکدایە ئەگەر بێت و ئەم سەفەرە ڕێک بخرێت " ئەمە یەکەمین سەفەری سەرۆک کۆمارێکی فەڕەنسا دەبێ بۆ ئێران دوای شۆرشی ئیسلامی .

 ڕۆژی هەینی پێش ڕاگەیاندنی سیاسەتە نوێیەکانی ئەمریکا بەرامبەر ئێران ، ئێمانوێل ماکرۆن سەرۆک کۆماری فەڕەنسا لەگەڵ حەسەن ڕۆحانی سەرۆک کۆماری ئێران تەلەفۆنی قسەی کرد  

لەم پەیوەندییە تەلەفۆنییەدا ماکرۆن متمانەیی بەخشی بە حەسەن ڕۆحانی لە سەر پابەندی فەڕەنسا لە سەر بەرنامەی " بەرجام "

هەروەها ووتی : قسەکانی " دۆناڵد ترامپ " سەرۆکی ئەمریکا لە سەر ڕێککەوتنە ناوەکییەکە کۆتایی نایەت و هەروەها فەڕەنسا و شەریکە ئەورووپییەکانیش بۆ بە کارا کردنی ڕێککەوتنەکانیان لە سەر بەرجام بەردەوام دەبن

هەر لەم بارەوە ئێمانوێل ماکرۆن لەگەڵ حەسەن ڕۆحانی سەبارەت بە سێ شەرت کە دەبێتە هۆی بەردەوامی ڕێککەوتنە ناوەکییەکەی ، قسەیان کرد 

یەکەم : پابەند بوون بە مادەکانی ڕێککەوتنامەکە . لەم بارەیەوە سەرۆک کۆماری فەڕەنسا بە حەسەن ڕۆحانی وتووە کە حەفتەی داهاتوو : " یۆکیۆ ئامانۆ " سەرۆکی گشتی ئاژانس لە پاریس دەبیبێ .

دووهەم : شەرتی هەبوونی قازانج بردنی ئێران لە ئێمتیازاتی ئابووری یە کە بە هۆی ڕێککەوتنەوە جێبەجێ دەبێ

سێهەم : هەروەها قسە کردنی سەبارەت بەو شتانەی کە لە ڕێککەوتنەکەدا نیە بەڵام سەبارەت بە پلەی ستراتیژی ئێستا زۆر گرینگن . بە تایبەت نیگەرانی لە سەر بەرنامە موشەکییە بالیستییەکانی ئێران و هەروەها ئەو شتانەی کە گرینگن لەسەر ئەمنییەتی ناوچەکە .