بۆمبی ئەتۆمی نوێ بۆ هێزی ئاسمانی ئەمریکا

پەیامی کورد     ...    بۆمبی ئەتۆمی نوێ بۆ هێزی ئاسمانی ئەمریکا 

فڕۆکە شەڕکەرەکانی نەسڵی چوارەمی ئەمریکا بە ناوی F-15E Strike Eagle لە ڕاهێنانەکانی " ئالای سوور " لە نۆڤادا " ویلایەتەیەکگرتووەکانی ئەمریکا بۆ یەکەمین جار لەگەڵ بۆمبێکی ئەتۆمی هیدایەتکراوی نوێی B61-12 تاقیکرایەوە .

بە پێی ڕاپۆرتێک ، لە ڕاهێنانەکانی ڕەزمایشی ئاڵای سوور ، ویلایەتەیەکگرتووەکانی ئەمریکا ، ئاڵمانیا ، ئیتاڵیا و ئیسپانیا بۆ ڕاهێنان لە نۆڤادا پێکەوە کۆبوونەوە . هیزی بۆمبی B61-12 ، لە شەڕکەرەکانی نەسڵی چوارەمی F-15E Strike Eagle ی هێزی ئاسمانیدا بینرا . هێزی ئەم بۆمبە ئەتۆمییە لە یەک مێگاتۆن تێپەڕ ناکات .

ئەم بۆمبە هیدایەت کراوە نوێیە دەتوانێ لە سەر بۆمب هاوێژە ستراتیژییەکانی جۆری B-52 Stratofortress ، B-2 Spirit و B-21 Raider و هەروەها F-15 Eagle، F-16 Fighting Falcon ، F-22 Raptor و F-35 Lightning II دا دابنرێت .

بۆمبی گەرمایی ئەتۆمی B61 چەکی سەرەکی هێزگەلی ئەتۆمی ستراتیژیکی ویلایەتەیەکگرتووەکانە ، هەرچەندە لە سەرەتاکانی ساڵی ١٩٦٨ ەوە چووەتە ناو ئەرتەشەوە. B61-12 کە لە ساڵی ٢٠١٢ دا لە حاڵی گەشەسەندنە، جێگرەوەی هەموو بۆمبەکانی جۆری B61 و B83 دەبێت کە لە ساڵی ١٩٨٣ ەوە لە خزمەتی ئەرتەشی ئەمریکادا بووە . بەکارهێنانی ئەم بۆمبە هەم لە بۆمبهاوێژەکانی ستراتیژیک هەمیش لە فڕۆکەگەلی تاکتیکی دا دەتوانرێ بەکار بهێنرێت . تاقیکردنەوەکانی درووست کردنی بۆمبی ئەتۆمی B61−12 بە بێ کڵاوە لە ساڵی ٢٠١٥ ەوە لە زەوینێکی ڕاهێنان دا لە نۆڤادا بەڕێوەچوو .

کارگەی بەرهەم هێنانی ئەم بۆمبە دەڵێ : هیچ پڕۆگرامێک بۆ بەرهەم هێنانی بۆمبگەلی ئاسمانی نوێ بەم شێوەیە بوونی نییە .