کارمەندێکی پێشووی هێزی دەریایی ئەمریکا لە ئێران دەست بەسەرکرا

پەیامی کورد  ...  کارمەندێکی پێشووی هێزی دەریایی ئەمریکا لە ئێران دەست بەسەرکرا

جێگری وه‌زیری ده‌ره‌وه‌ی ئێران ڕایگه‌یاند ئه‌و كارمه‌نده‌ی پێشووی هێزه‌ ده‌ریاییه‌كانی ئه‌مریكا كه‌ ماوه‌یه‌كه‌ له‌ ئێران ده‌ستبه‌سه‌ركراوه‌ ، هۆكاری ده‌ستبه‌سه‌ركردنه‌كه‌ی بۆ سیخوڕیكردن و زیانگه‌یاندن به‌ ئاسایشی نیشتمانی نییە ‌.

حسێن په‌ناهی ئازه‌ر، جێگری وه‌زیری ده‌ره‌وه‌ی ئێران به‌ ئاژانسی خوێندکارانی ئێرانی ڕاگه‌یاند : هۆكاری ده‌ستبه‌سه‌ركردنی مایكل وایت، سیخوڕیكردن و زیانگه‌یاندن به‌ ئاسایشی نیشتمانی نییە ، به‌ڵكو له‌ سه‌ر سكاڵای كه‌سی ده‌ست به‌سه‌ر كراوه‌. هەروەها ووتی، “به‌پێی زانیارییه‌كانمان وایت له‌ سه‌ر سكاڵایه‌كی تایبه‌تی كه‌سی كه‌ حه‌وت مانگ له‌مه‌وبه‌ر له‌سه‌ری تۆمار كراوه‌ ده‌ست بەسەرە و ئه‌مه‌ په‌یوه‌ندی به سیخوڕیكردن و زیانگه‌یاندن به‌ ئاسایشی نیشتمانییەوە نییە . له‌ ڕۆژی ده‌ستگیركردنی ناوبراو باڵیۆزخانه‌ی سویسرا له‌ تاران كه‌ به‌رژه‌وه‌ندییه‌كانی ئه‌مریكا ده‌پارێزێت له‌وه‌ ئاگادار كراوه‌ته‌وه‌”.

هاوکات ئازه‌ر ئاماژه‌ی به‌وه‌ش دا كه‌ ده‌ستبه‌سه‌ركراوه‌کە سه‌رباز نییه‌ و پرۆسه‌ی دادگاییكردنیشی به‌رده‌وامه‌. زانیاریشی نه‌دا له‌باره‌ی سكاڵاكه‌وه‌.

لە کۆتایی قسەکانیدا جێگری وەزیری دەروەی ئێران ئەوەشی خستەڕوو كه‌ شه‌ش هه‌زار و ١٠٤ هاووڵاتی بیانی له‌ ئێران ده‌ستبه‌سه‌ر كراون كه‌ زۆربه‌یان ئه‌فغانین