خۆپیشاندان لە شارەکانی ئێران بەردەوامە

پەیامی کورد ...  بە پێی هەواڵی ئاژانسی کرێکارانی ئێران ، له‌ به‌رامبه‌ر نه‌ڕه‌خساندنی هه‌لی كار بۆ خه‌ڵكی ناوچه‌كه‌ له‌ پارێزگای كرمان باشووری ئێران، خۆپیشاندان له‌ دژی كۆمپانیای سه‌رچێشمه‌ بۆ به‌رهه‌مهێنانی مس ئه‌نجام درا

لەم هەواڵەدا هاتووە کرێکارانی ئێران له‌ به‌رامبه‌ر گرینگی نه‌دان بۆ ‌ڕه‌خساندنی هه‌لی كار بۆ خه‌ڵكی ناوچه‌كه‌ له‌ پارێزگای كرمان باشووری ئێران هاووڵاتییان كه‌ زۆربه‌یان له‌ گه‌نجان پێك ده‌هاتن له‌ دژی كۆمپانیای سه‌رچهێشمه‌ بۆ به‌رهه‌مهێنانی مس خۆپیشاندانیان ئه‌نجام دا و داوایان له‌ كۆمپانیاكه‌ كرد مه‌رجه‌كانی خۆی بۆ وه‌رگرتنی كرێكار و كارمه‌ند بگۆڕێت.

هاوکات خۆپیشانده‌ران به‌ ناڕه‌زایه‌تی ده‌ربڕین بەوەی کە هەرچەندە كاركردنی لە كارگه‌كانی كۆمپانیاكه‌ له‌و ناوچه‌یه‌ بووه‌ته‌ هۆی پیسبوونی كه‌ش وهه‌وا و هەروەها كاریگه‌ری نه‌رێنی كردوەته‌ سه‌ر ژیانی هاووڵاتییان كه‌چی تا ئێستاش ده‌رفه‌تی كاریان له‌و كۆمپانیایه‌ بۆ نه‌ڕه‌خسێندراوه‌.