لەبەر گۆڕانکارییە خێراکان لە ناوچەکە وەزیری دەرەوەی ئێران سەردانی هەرێمی کوردستان دەکات

پەیامی کورد     ...      لەبەر گۆڕانکارییە خێراکان لە ناوچەکە وەزیری دەرەوەی ئێران سەردانی هەرێمی کوردستان دەکات

موحەمەد جەواد زەریف، وەزیری دەرەوەی ئێران سەردانی هەرێمی کوردستان دەکات و لەگەڵ نێچیرڤان بارزانی، سەرۆکی هەرێمی کوردستان کۆدەبێتەوە.

موحەمەد جەواد زەریف، وەزیری دەرەوەی ئێران ئەمڕۆ دوای گەیشتنی بە فڕۆکەخانەی نێودەوڵەتی بەغدا بە رۆژنامەنووسانی راگەیاند، لەگەڵ سێ سەرۆکایەتیەکەی عێراق کۆدەبێتەوە و لەبارەی پەیوەندیەکانی نێوان تاران و بەغدا گفتوگۆ دەکەن.
ئاماژەی بەوەشکرد، هەر ئەمڕۆ سەردانی هەرێمی کوردستان دەکات و لەگەڵ نێچیرڤان بارزانی، سەرۆکی هەرێمی کوردستان کۆدەبێتەوە.

پێشتر ئه‌حمه‌د سه‌حاف، ووته‌بێژى وه‌زاره‌تى ده‌ره‌وه‌ی عێراق رایگەیاند، سه‌ردانه‌كه‌ی زەریف له‌چوارچێوه‌رى به‌هێزتركردنى په‌یوه‌ندییه‌ دوولایه‌نه‌كانى نێوان هه‌ردوو ووڵاته‌.
ئاماژەی بەوەشکرد، لەو سه‌ردانه‌دا ئاسته‌نگییه‌ هاوبه‌شه‌كان و ئه‌گه‌ره‌كانى بۆنیاتنانى ئه‌و هه‌لانه‌ى له‌به‌رده‌ستدان تاوتوێ ده‌كرێن، كه ‌ره‌نگدانه‌وه‌ى ده‌بێت له‌سه‌ر به‌رژه‌وه‌ندییه‌ هاوبه‌شه‌كان.