لە ماوەی مانگێکدا زیاتر لە شەش هەزار حاڵەتی جیابوونەوەی له‌ عێراق تۆمارکراوە

پەیامی کورد... لە ماوەی مانگێکدا زیاتر لە شەش هەزار حاڵەتی جیابوونەوەی له‌ عێراق تۆمارکراوە


ئەنجوومەنی باڵای دادوەری عێراق ڕایده‌گه‌یه‌نێت، لە مانگی تشرینی دووەمدا شەش هەزار و ٦٢٠ حاڵەتی جیابوونەوەی هاوسەران تۆمارکراوە.

ئەمڕۆ چوارشەممە،20_ی كانونی یه‌كه‌م_ی 2023 ئەنجوومەنی باڵای دادوەری ئاماری تایبەت بە دۆسیەی هاوسەرگیری و جیابوونەوەی لە ماوەی مانگی تشرینی دووەمی ڕابردوودا بڵاوکردەوەە و تێیدا هاتووە، شەش هەزار و ٦٢٠ حاڵەتی جیابوونەوەی هاوسەران و ٢٨ هەزار و ٨٠٧ حاڵەتی هاوسەرگیریش تۆمارکراون.

له‌ ئامارەکەدا هاتووه‌، رۆژانە ٢٢٠ حاڵەتی جیابوونەوە لە دادگاکانی عێراق تۆمارکراون.

ئه‌وه‌ش خراوه‌ته‌روو، چوار هەزار و ٨٣٥ حاڵەتی جیابوونەوە لە دەرەوەی دادگاکان بوون و هەزار و ٧٨٥ حاڵەتیش لەنێو دادگاکاندا بوون.

هاوکات ، ٢٤ هەزار و ٢٠٧ گرێبەستی هاوسەرگیری لە دەرەوەی دادگاکان کراون و چوار و هەزار و ٦٠٠ گرێبەستیش لەنێو دادگاکان بەستراون.