لەساڵی 2022دا 66 ڕۆژنامەنووس لەسەرتاسەری جیهاندا كوژراون

پەیامی کورد... لەساڵی 2022دا 66 ڕۆژنامەنووس لەسەرتاسەری جیهاندا كوژراون

ئەنستیتوی راگەیاندنی نێودەوڵەتی كەناوەندی سەرەكی لەڤییەنای پایتەختی نەمسایە، ڕایدەگەیەنێت: ساڵی 2022 لەروانگەی ئاسایشی رۆژنامەنووسانەوە زۆر وێرانكەر بووە ولەماوەی ئەمساڵدا 66 رۆژنامەنووس و راگەیاندنكار لەكاتی ئەركەكانیاندا كوژراون.

لەراگەیاندراوێكدا، ئەنستیتوی راگەیاندنی نێودەوڵەتی دەربارەی ئەو راگەیاندنكارانەی بەهۆی پیشەكانیانەوە گیانیان لەدەستداوە بڵاویكردەوە: لەساڵی 2021دا 45 راگەیاندنكار كوژراون، بەڵام ژمارەكە لەساڵی 2022 دا بۆ 66 راگەیاندكار بەرز بووەتەوە.

ئەنستیتووەكە ئەوەی ئاشكرا كردووە: لەمساڵدا 14رۆژنامەنووس لەمەكسیك ونۆ رۆژنامەنووسیش لەجەنگی روسیا-ئۆكراینادا كوژراون و دڵتەزێنترین رووداوی 2022، كوژرانی پەیامنێری كەناڵی ئەلجەزیرە، شیرین ئەبوعاقیلە بووە لەكاتی رووماڵكردنی هەواڵ لەكەناری رۆژئاوا.

لایخۆیەوە رێكخراوی نێودەوڵەتی رۆژنامەنووسانی بێ سنور بۆ ئازادی رۆژنامەگەری كەبارەگاكەی لەپاریسی پایتەختی فەرەنسایە رایگەیاندوە: لەماوەی نێوان 2003 بۆ 2022، لەسەرانسەری جیهان دا لەنێوان ئەو دوو سەدەیە دا هەزار و 668 رۆژنامەنووس كوژراون.