ئۆپراسیۆنی هێزە عێراقییەکان لەخورماتوو دەستیپێکرد

لەچوار قۆڵەوە، ئۆپراسیۆنی هێزە عێراقییەکان بۆ بەرزاییەکانی رۆژهەڵاتی قەزای دوزخورماتوو دەستیپێکرد.
بە پێی زانیارییەکانی پەیاما کورد، لە سەرلەبەیانی ئەمڕۆ چوارەممەوە، تۆپخانەکانی عێراق دەستیان کردووە، بە تۆپبارانکردنی سنووری گوندەکانی پەڵکانەی گەورە و بچووک، شۆراو، قووشەلان و غەڕە لە سنوری قەزار دووزخورماتوو.
بەوتەی بەرپرسە سەربازییەکانی سوپای عێراق، ئۆپراسیۆنەکە کە لە چوار قۆڵەوە دەستیپێکردووە، دژی چەکدارانی رێکخراوی تیرۆریستی داعش و ئەو گرووپەیە کە بە ئاڵا سپی ناسراون و ماوەیەکە لەو ناوچەیە دەبینرێن.
ئاماژە بەوەشکراوە، کە لەو ئۆپراسیۆنەدا، هێزەکانی پێشمەرگە و هێزە کوردییەکانیش بەشدارن، بەڵام تەنیا پاراستنی (٢٠) گوندی ناوچەکەیان لەئەستۆگرتووە و شەڕناکەن.