ئیمانۆئێل ماکرۆن دوای داواکارییەکەی لاپید ڕایگەیاند کۆماری ئیسلامی لەخەو ڕادەچڵەکێنین!

پەیامی کورد    ...  ئیمانۆئێل ماکرۆن دوای داواکارییەکەی لاپید ڕایگەیاند کۆماری ئیسلامی لەخەو ڕادەچڵەکێنین!

یەکیتی ئەورووپا و ویلایەتە یەکگرتووەکانی ئەمریکا هاودەنگن لەسەر ئەوەی کۆماری ئیسلامی لە لێکگەیشتنێکی توکمە کە لە مارس ەوە خراوەتە ژێر دەستی، دووری دەکات و خۆی لێ دەخافڵێنێت.

ئیمانوێل ماکرۆن، سەرکۆماری فەڕەنسا ، لە لێدوانێکدا ووتی تاران بە بەردەوامی لە خەودایە و لە واژوو کردنی لێکگەیشتنی ئەتۆمی خۆی دەخافڵێنێت.

ماکرۆن لە چاوپێکەوتنی لەگەڵ یائیر لاپید، سەرۆکوەزیرانی نوێی ئیسرائیل لە کۆشکی ئێلیزە ڕایگەیاند: «تاران خەریکە هەموو ئەو دەرفەتە باشانە کە پێ دراوە دەیسووتێنێت.»

ماکرۆن جەختی لەوە کردەوە : «ئێمە لە هاوکارییەکی تۆکمە دا لەگەڵ هاوپەیمانان، تاران لە خەوە قورسەکەی ڕادەچڵەکێنین.»

سەرۆککۆماری فەڕەنسا ڕوونی کردەوە: «گرێبەستی ئەتۆمی بۆ لەقاودانی جمووجۆڵە تێکدەرانەکانی کۆماری ئیسلامی بەس نییە. بەڵام ئێمە پاڵپشتی لەم ڕێککەوتنە دەکەین هەڵبەت پێش ئەم ڕێککەوتنە پاراستنی بەرژەوەندی خۆمان و هاوپەیمانمان و لە لووتکەشیدا ئیسرائیل ڕەچاو دەکەین.»

سەرۆکوەزیرانی ئیسرائیل لەم چاوپێکەوتنەدا ووتی: «هەندێجار تەنیا بژاردە بۆ پاراستنی ئارامی و ئاسایش، شەڕە.»