ژمارەی قوربانیانی لافاوەكەی توركیا گەیشتنە 15 كەس

پەیامی کورد... ژمارەی قوربانیانی لافاوەكەی توركیا گەیشتنە 15 كەس

سولەیمان سویلۆ وەزیری ناوخۆی توركیا ئاشكرای كرد، ژمارەی ئەو كەسانەی لە باشوری ئەو وڵاتە بەهۆی زریان و لافاوەوە بوونەتە قوربانی، بەرزبوونەتەوە بۆ 15 كەس.
سولەیمان سویلۆ رایگەیاندووە، ژمارەی ئەو كەسانەی بەهۆی زریان و لافاوەكەی باشوری توركیاوە گیانیان لەدەستداوە گەیشتوونەتە 15 كەس، 13یان لە ئورفە و دووانیان لە ئادیامان.
رونیشیكردووەتەوە، هۆكاری گیانلەدەستدانی ئەو كەسانە بەهۆی داڕمانی خۆڵ و رۆچوون و لافاوەوە بووە، هەروەها 5 كەس بێسەروشوێنن و گەڕان بەدوایاندا بەردەوامە.
زریان و لافاو بەشێكی زۆری ناوچەكانی باشوری توركیای گرتووەتەوە و ئاو چووەتە هەزارەها خانوو و چەندین پرد روخاون و رێگەی سەرەكی تێكچوون، ئەوەش بەهۆی زۆری بارانبارین كە لە هەر مەترێك چوارگۆشەدا 200 ملم باریوە.