فڕینی فڕۆکەگەلی سیخوڕی ئەمریکی لە نزیکی بنکەکانی ڕووسیا لە سووریا

پەیامی کورد    ...   فڕینی فڕۆکەگەلی سیخوڕی ئەمریکی لە نزیکی بنکەکانی ڕووسیا لە سووریا .

دوو فڕۆکەی سیخوڕی P-8A Poseidon و Aries II هێزی دەریایی ویلایەتەیەکگرتووەکانی ئەمریکا ئێوارەی ڕۆژی ١٢ ی جوون پەروازگەلێکی شناسایی درێژخایەنی لە نزیکی بنکەکانی ڕووسیا لە سووریا ئەنجام داوە .

بە پێی ڕاپۆرتێک ، فڕۆکەی دژە ژێردەریایی P-8A Poseidon لە نزیکی بنکەی لۆجێستیکی هێزی دەریایی ڕووسیا لە بەندەری تەرتووس ی سووریا فڕیون .

ئەم فڕۆکەیە بە دووری نزیکەی ٢٧ کیلۆمەتری لە کەنارئاوی سووریا نزیک بووەتەوە و لە درێژایی خەتی سنووری نزیکەی ١٢ مایلی دەریایی لە سنووری سووریا پەروازی ئەنجام داوە کە تەنیا ٢٤ کیلۆمەتر لە کەنارئاو دووری هەیە .

لە هەمان کاتدا ، فڕۆکەی Aries II لە نزیکی بنکەی ئاسمانی حۆمەیمیم و بنکەی هێزی دەریایی ڕووسیا لە بەندەری تەرتووس لە دووری ٥٠ - ٦٠ کیلۆمەتری لە کەنارئاوەکانەوە فڕینی هەبووە .

جێگای ئاماژەدانە کە ئەمە لانیکەم پێنجەمین فڕینی فڕۆکەگەلی سیخوڕی هێزی دەریایی ئەمریکا لە نزیکی بنکەکانی ڕووسیا لە سووریایە کە لە سەرەتای ئەم مانگەوە ئەنجام دراوە