ئەمریکا بارێکی نهێنی و گرینگ ڕادەستی ئیسرائیل دەکات

پەیامی کورد      ...    ئەمریکا بارێکی نهێنی و گرینگ ڕادەستی ئیسرائیل دەکات .

لەگەڵ هەبوونی ئاڵۆزی و کێشە و گرفتەکانی نێوان ئیسرائیل و فەلەەستین ، فڕۆکەیەکی پڕ قورس و گرانی هەڵگرتن و گواستنەوەی نیزامی و سەربازی جۆری C-17A Globemaster ی هێزەکانی ئاسمانی ئەمریکا لە تەل ئەڤیڤ نیشتووەتەوە .

بە پێی ڕاپۆرتێک پۆرتاڵی فلایت ڕادار ڕاپۆرتی داوە کە فڕۆکەیەک بە کێشی زۆر قورس و گران ەوە لە هێزەکانی ئاسمانی ئەمریکا بەرواری ١٣ ی مەی لە بنکەی نیزامی و سەرابزی " ڕامشتاین " ی ئاڵمانیا بە ناوەختە لە کاتی شەو فڕیوە و سەر لە بەیانی لە ئیسرائیل نیشتووەتەوە .

ئەم پۆرتاڵە هەروەها ڕایگەیاند کە ئەم فڕۆکەیە هەڵگری بارێکی نهێنی و گرینگ بووە کە ڕادەستی ئیسرائیل ی کردووە .

ماوەیەک دوای نیشتنەوەی لە تەل ئەڤیڤ C-17A Globemaster جارێکی دیکە گەڕاوەتەوە بنکەی ئاسمانی ڕامشتاین لە ئاڵمانیا .

ئەمە لە حاڵێکدایە کە وەزارەتی بەرگری ئیسرائیل ڕایگەیاندووە ئەرتەشی ئەم ووڵاتە هاوکات هێرشە ئاسمانی و زەوینی یەکانی خۆی بۆ خاڵی سنووری غەززە دەست پێکردووە .