نەشناڵ ئینترێست: شەڕی ئێران و ئیسرائیل دەستیپێکرد

پێگەی نەشناڵ ئینترێست لە راپۆرتێکدا دەڵێت، شەڕ و بەریەککەوتنەکانی ئەم دواییانە لە سەر خاکی سوریا، دەستپێکی شەڕی بە وەکالەتی نێوان ئێران و ئیسرائیلە.

نەشناڵ ئینترێست هەروەها نووسیویەتی "بەریەککەوتنەکانی ئەم دواییانەی ئێران و ئیسرائیل، کە شێوازێکی بە وەکالەتی هەیە، زەمینەی بۆ شەڕی راستەوخۆی تاران و تەل ئەبیب فەراهەم کردووە".

بە گوێرەی راپۆرتەکە، هێزەکانی ئێران و حزبولڵای لوبنان، بە تۆپخانە و فڕۆکەی بێ فڕۆکەوان، لە هێرشەکانیان بۆ سەر خاکی ئسیرائیل بەردەوامن، هەر بۆیە چاوەڕێ دەکرێ، ئەم شەڕە بە وەکالەتە بۆ ماوەیەکی درێژ بەردەوام بێت.