ناتانیاهۆ وەک یەکم هاوڵاتی ئیسرائیل ڤاکسینی کۆرۆنای تاقی کردەوە

پەیامی کورد ... ناتانیاهۆ وەک یەکم هاوڵاتی ئیسرائیل ڤاکسینی کۆرۆنای تاقی کردەوە

شەوی شەممە ١٩ی کانوونی یەکەمی ٢٠٢٠، بەبەرچاوی میدیاکانەوە بنیامین ناتانیاهۆ، سەرۆکوەزیرانی ئیسرائیل، بە ڤاکسینی کۆرۆنا کوترا و هەڵمەتی کوتانی هاووڵاتیانی وڵاتەکەش دەستپێدەکات.

پرۆسەی کوتانەکە بەربەرچاوی میداکانەوە ئەنجام دراوە و بە شێوەی راستەوخۆ پەخش کرا و سەرۆکوەزیرانی ئیسرائیل لە لێدوانێکدا رایگەیاند: "من و وەزیری تەندروستی هەردووکمان خۆمان بە ڤاکسینی کۆرۆنا کوتا، ئەمەش بۆ ئەوەی ببینە یەکەم کەس لەم وڵاتە و هانی هاووڵاتیان بدەین کە هەمان کار بکەن".

شیاوی ئاماژە پێدانە دوێنێ هەینی بە هەمان شێوەی ناتانیاهۆ، مایک پێنسیش، جێگری سەرۆکی ئەمەریکا، خۆی بە ڤاکسینەکە کوتی و میدیاکان بڵاویان کردووەتەوە کە بڕیارە رۆژی دووشەممەش، جۆ بایدن، هەڵبژێردراو بۆ سەرۆکایەتیی ئەمەریکا، ڤاکسینەکە بەکاربهێنێت.