ئەنجامی بەرایی هەڵبژاردنەکانی سوێد بڵاو کرا یەوە و چوار کورد سەرکەوتنیان بەدەست هێنا

پەیامی کورد... ئەنجامی بەرایی هەڵبژاردنەکانی سوێد بڵاو کرا یەوە و چوار کورد سەرکەوتنیان بەدەست هێنا

بەپێی ئەنجامی بەرایی هەڵبژاردنە گشتییەکان و خۆجێیییەکانی سوێد، پارتی سۆسیال دیموکرات بە سەرۆکایەتی مانگدالێنا ئاندێرسن سەرۆکوەزیران یەکەم بووە، هەروەها چوار کاندیدی کورد کە سیانیان خەڵکی باکووری کوردستانن سەرکەوتنیان بەدەستهێناوە.

لە هەڵبژاردنەکاندا کە حەوت ملیۆن و ٧٠٠ هەزار دەنگدەر بەشدارییان کرد، پرۆسەی دەنگدان کاتژمێر ٢٠: ٠٠ بە کاتی ناوخۆی وڵاتەکە کۆتایی هات.

بەپێی ئەو ڕاپرسییانەی کە لە بنکەکانی دەنگدان ئەنجامدراون و تەلەڤزیۆنی فەرمیی سوێد SVT بڵاوی کردوونەتەوە تا ئێستا پارتی سۆسیال دیموکرات زۆرترین دەنگی بەدەستهێناوە، کە ٣٠.٦% و پارتی ڕەگەزپەرستەکان توانیویەتی ٢٢.٥%ی دەنگەکانی بەدەستبهێنێت.

هەروەها پارتی مۆدێرات ١٥.٨% و سەنتەر پارتی ٧.١% و پارتی کریس دیموکرات ٥.٦% و پارتی ژینگە ٤.٩% و پارتی چەپ ٨.٣% و پارتی لیبراڵ ٣.٦%ی دەنگەکانیان بەدەستهێناوە.

سەرجەم پارتە بچووکەکان توانیویانە ٢.٢%ی دەنگەکانیان بەدەستهێنن.

کورسی پارتەکان بە پێی ئەنجامە بەراییەکان بەمشێوەیەیە:

-پارتی سۆسیال دیموکرات: ١٠٧ کورسی

-پارتی دیموکراتەکانی سوێد: ٧٤ کورسی

-پارتی مۆدێرات: ٦٣ کورسی

-پارتی چەپ: ٢٧ کورسی

-پارتی سەنتەر: ٢٤ کورسی

-پارتی کریستیان دیموکرات: ١٩کورسی

-پارتی سەوز: ١٩ کورسی

-پارتی لیبراڵ: ١٦کورسی