نرخی نان لە سووریا بۆ دوو بەرامبەر بەرزبوەوە
پەیامی کورد... نرخی نان لە سووریا بۆ دوو بەرامبەر بەرزبوەوە
حکومەتی سووریا دوینێ دووشەممە، لە سەرجەم نانەواخانە تایبەت و گشتییەکاندا نرخی نانی بۆ دوو هێندەی پێشتر بەرزکردەوە.
پێشتریش بەشار ئەسەد، سەرۆک کۆماری سووریا فەرمانێکی دەرکرد و تیایدا ئاماژەی بە زیادکردنی مووچەی کرێکارانی مەدەنی و سەربازی و خانەنشینان بە ڕێژەی ٪٥٠ كردبوو.
لە بڕیارەکەی حکومەتی سووریادا هاتووە، نرخی فرۆشتنی نان بە کێشی ١١٠٠ گرام لە ٤٠٠ لیرەی سوورییەوە بۆ ٢٠٠ لیرەی سووری لە نانەواخانە حکومی و تایبەتییەکان بەرزبکرێتەوە.
بڕیارە دەرچووەکە لەگەڵ بڕیارێکدا بوو کە نرخی فرۆشتنی لیترێک سوتەمەنی بۆ فڕنی گشتی و تایبەت لە ٧٠٠ لیرەی سوورییەوە بۆ ٢٠٠٠ لیرەی سووری بەرزبکرێتەوە.
بریاری بەرزکردنەوەی نرخی نان لە کاتێکدایە کە سووریا و ڕۆژئاوای کوردستان بە چەندین قەیرانی دیکەی ئابووریدا تێدەپەڕن، بژێوی ژیانی هاووڵاتییانی قورس کردووە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە