ئەوەی لە سەر هەڵبژاردنەکانی باکووری کوردستان و تورکیا پێویستە بیزانین

پەیاما کورد ـ کاتژمێر ٨ـی بەرەبەیانی ئەمڕۆ یەکشەممە 24/6/2018، خەڵکی باکووری کوردستان و تورکیا بە مەبستی هەڵبژاردنی سەرۆک کۆماری نوێ و ئەندامانی پەرلمان چوونە سەر سەندووقەکانی دەنگ دان. 

هێندیک زانیاری گرینگ و پێویست لەسەر هەڵبژاردنەکان؛

- 27ـەمین خولی هەڵبژاردنی پەرلەمانی تورکیایە.

- 56 ملیۆن و 322 هەزار و 632 کەس مافی بەشداریکردنیان لە هەڵبژاردنەکان هەیە.

- 180 هەزار و 64 هەزار سندووقی هەڵبژاردن دانراون.

- پرۆسەی دەنگدان کاتژمێر 8ـی سەرلەبەیانی بە کاتی تورکیا دەست پێ دەکات و تا کاتژمێر 5ـی ئێوارە بەردەوام دەبێت.

- هەشت حزب کاندیدیان بۆ پەرلەمان هەیە و پێنج پیاو و ژنێکیش کاندیدین بۆ سەرۆک کۆماریی تورکیا.

- چوار هەزار و 800 کاندید رکابەریی بەدەستهێنانی کورسییەکی پەرلەمانی تورکیا دەکەن، کە ئەو پەرلەمانە لە 600 کورسی پێک هاتووە.

- سێ ملیۆن دەنگدەر یەکەمجارە مافی دەنگدانیان هەیە

حزبە بەشدارەکان لە هەڵبژاردنی پەرلەمانی تورکیا:

- پارتی داد و گەشەپێدان (ئاکەپە)ی دەسەڵاتدار

- پارتی دیموکراتی گەلان (هەدەپە)

- پارتی گەلی کۆماری (جەهەپە)

- پارتی باش

- پارتی نەتەوەپەرستی تورکیا (مەهەپە)

- پارتی سەعادەت

- پارتی وەتەن

- پارتی هوداپار

ناوی کاندیدەکانی سەرۆکایەتیی کۆماری تورکیا:

-  رەجەب تەییب ئەردۆغان، کاندیدی پارتی داد و گەشەپێدان (ئاکەپە)

- سەڵاحەدین دەمیرتاش، کاندیدی پارتی دیموکراتی گەلان (هەدەپە)

- موحەڕڕەم ئینجە، کاندیدی پارتی گەلی کۆماری (جەهەپە)

- خاتوو مەڕال ئاکشنەر، کاندیدی(پارتی باش)

- تەمەل کەڕەمەڵڵائۆغڵو، کاندیدی (پارتی سەعادەت)

- دۆغو پەرینچەک، کاندیدی (پارتی نیشتیمان)