کوژرانی فەرماندەیەکی سپای پاسداران لە عێراق

پەیامی کورد ... کوژرانی فەرماندەیەکی سپای پاسداران لە عێراق

فەرماندەیەکی سوپای پاسداران لەسەر سنوری نێوان عێراق و سوریا لەگەڵ سێ کەسی دیکە و لەکاتی گواستنەوەی چەک و تەقەمەنی بە ئۆتۆمبێل کرایە ئامانجی فڕۆکەیەکی نەناسراو و کوژرا.

ماڵپەڕی روسیا تودەی لە زاری چەند بەرپرسێکی ئەمنی عێراقەوە رایگەیاندووە، فەرماندەکەی سوپای پاسداران ئۆتۆمبێلێک، کە چەک و تەقەمەنی بارکردووە، گەیاندووەتە سنوری سوریا، دواتر لە رێگەی فرۆکەیەکی جەنگی ئۆتۆمبێلەکە کراوەتە ئامانج و لەگەڵ سێ کەسی دیکە کوژراون.

بە وتەی دوو سەرچاوەی ئەمنی دواتر، تەرمەکانیان لەلایەن گروپە چەکدارەکانی نزیک لە ئێران گەڕێندراونەتەوە بۆ ئێران.

تا ئێستا ناسنامەی ئەو فەرماندەیەی سوپای پاسداران ئاشکرا نەبووە.