ڕووسیا جگە لە فەیسبووک تۆڕی کۆمەڵایەتی تویتەری شی قەدەغە کرد

پەیامی کورد    ...   ڕووسیا جگە لە فەیسبووک تۆڕی کۆمەڵایەتی تویتەری شی قەدەغە کرد

دەستەی رێکخستنی پەیوەندییەکانی ڕووسیا رایگەیاند، بڕیاردراوە هەردوو تۆڕی کۆمەڵایەتی فەیسبووک و تویتەر لەناو خۆی ووڵاتدا قەدەغە بکرێن، هۆکارەکەشی بۆ ئەوە گەڕاندوەتەوە کە هەردوو پێگەکە جیاوازی دەکەن لەنێوان کارکردنی میدکانی ڕووسیا و رۆژئاوا، بەجۆرێک ڕووماڵی میدیاکانی نزیک لە مۆسکۆ یان سنووردار کردوە.

دەستەی رێکخستنی پەیوەندییەکانی ڕووسیا ئەمڕۆ هەینی لە ڕاگەێندراوێکدا باسی لەوەشکردوە، هەردوو پێگەی فەیسبوک و تویتەر چاودێرییەکی زۆر تووندییان خستوەتەسەر ئەو هەواڵ و بڵاوکراوانەی روانگەی ڕووسیا و رەفتاری پێچەوانەی ووڵاتانی رۆژئاوا دەگوازنەوە، بۆیە مۆسکۆش بڕیاری داوە هەردو پێگەکە لەناو ڕووسیادا قەدەغە بکات.

بڕیارەکەی ڕووسیا تەنها ئەو دوو پێگەیەی نەگرتوەتەوە، بەڵکوو کەناڵی بی بی سی، DW و ژمارەیەک پێگەی دیکەش لەو وڵاتەدا کارکردنیان قەدەغە کراوە.

ئەوەش لەکاتێکدایە لەسەرەتای هێرشەکەی ڕووسیا بۆ سەر ئۆکراین، ووڵاتانی رۆژئاوا ژمارەیەک رێکاریان دژی میدیاکانی ڕووسیا گرتەبەر و کارکردنیان سنووردار کردن لەوانەش گرووپی کەناڵەکانی RT و سپوتینگ، بەهۆکاری ئەوەی دیمەنی رووداوەکان وەک خۆی ناگوازنەوە و کاردەکەن بۆ رەوایەتیدان بە هێرشەکەی مۆسکۆ.