ڕووسیا ئامادەی فرۆشتنی نوێترین فڕۆکەی شەڕکەری خۆی بە شەریکە ستراتیژییەکانی خۆیەتی

پەیامی کورد     ...    ڕووسیا ئامادەی فرۆشتنی نوێترین فڕۆکەی شەڕکەری خۆی بە شەریکە ستراتیژییەکانی خۆیەتی .

ئەلێکساندەر میخێیف ، بەڕێوبەری گشتی کۆمپانیای " ڕۆس براون ئێکسپۆرت " (Rosoboronexport) ڕۆژی شەممە لە ئاستانەی کردنەوەی پێشانگای چەک و تەقەمەنی IDEX-2021 دا ڕایگەیاند ئەم کۆمپانیایە خەریکی ووتووێژ و ڕاگۆڕینەوەیە لەگەڵ ووڵاتانی جیاوازدا لە بواری فرۆشتنی نوێترین فڕۆکەگەلی شەڕکەری نەوەی پێنجامی ڕووسی سۆخۆ ٥٧ ( Su-57E) ە وئامادەی نیشان دان و نەمایش کردنی ئەم فڕۆکە شەڕکەرە پێشکەوتووەیە بە شەریکە ستراتیژییەکانی خۆی .

بە پێی ڕاپۆرتێک میخێیف ووتی : لە ئێستادا ئێمە خەریکی ووتووێژی سەرەتایی لەگەل ووڵاتانی جیاوازین لە جیهان دا لە بواری هەناردەکردنی فڕۆکەگەلی شەڕکەری چەندین کارەی نەوەی پێنجەمی سۆخۆ ٥٧ لەگەل مارکی Su-57E . کۆمپانیای ڕووسی ئابارۆن ئێکسپرۆت ئامادەیە Su-57E لە ئەگەری حەز کردن لەگەل شەریکگەلی ستراتیژیکی ڕووسیا نەمایش بکات بەڵام لە پێدانی هەرجۆرە ووردەکارییەک لەمبارەیەوە خۆی بە دوور گرت .

پێشانگای چەک و تەقەمەنی IDEX 2021 لە ٢١ تاکوو ٢٥ ی فێبریوەری لە ئەبووزەبی بەڕێوە دەچێت .

سۆخۆ ٥٧ خاوەنداری کۆمەڵەیەکی نوێ لە کەل و پەلی ڕاداری یە کە ئەگەری پێداچوونەوەی خێرای دۆخە شەڕییەکان دەستەبەر دەکات . ئەم فڕۆکەیە بە ڕاداری سەرووی هێز ە کە شناسایی ئامانجە زەوینی و ئاسمانییەکان لە مەودایەکی زۆر دوورەوە دەستەبەر دەکات . دوای شناسایی ، هەر ئامانجێک بە یارمەتی و هاوکاری مووشەکگەلی دووربۆرد لە جۆری ئاسمان بە ئاسمان و ئاسمان بە زەوین لە ناو دەچێت .